Bokstan Qazaqstan áıelder quramasy 2028 jyly ótetin Olımpıada oıyndaryna arnalǵan oqý-jattyǵý jıynyn bastady. Osy baǵytta alǵash ret áıelder, jastar jáne jasóspirimder komandalarynyń aýqymdy oqý-jattyǵý jıyny ótip jatyr. Bul týraly Ulttyq olımpıadalyq komıtet habarlady, dep jazady Egemen.kz.
Qazaqstan áıelder quramasynyń bas bapkeri Eldos Saıdalın osy formattaǵy jattyǵý jıyndarynyń paıdasy mol ekenin jetkizdi.
«Alǵash ret áıelder, jastar jáne jasóspirimder komandalarynyń basyn qosyp aýqymdy oqý-jattyǵý jıynyn ótkizip jatyrmyz. Barlyq jas dárejeleriniń bapkerlerimen aqyldasyp, osylaı uıymdastyrýdy jón sanadyq.
Bul bastamanyń paıdasy mol. Jasy kishiler ápkelerine qarap, boı túzeıdi, tálim alady. Áıelder sanatyndaǵy sportshylardy da jalyndy jastardyń kóz aldynda júrýi jigerlendire túsedi. Jas býyn ulttyq qurama sapyna qosylǵanda jatyrqamaı, tez boı úıretýine de septigin tıgizeri anyq», dedi Eldos Saıdalın.
Qazaqstan áıelder quramasy 2028 jylǵy Olımpıada oıyndaryna daıyndyqty bastap ketken. Bas bapker tórtjyldyqtyń basty básekesine qatysý úshin barlyq jas dárejesinde bul dodaǵa úmitkerler bar ekenin atap ótti.