Almaty oblysynda asa iri mólsherde esirtki kontrabandasy faktisi boıynsha sotqa deıingi tergep-tekserý aıaqtaldy. Sot úkimimen aıyptalýshy 16 jylǵa bas bostandyǵynan aıyryldy, dep habarlaıdy Egemen.kz.
Aıta keteıik, Almaty oblysy Ile aýdanynyń «Qazposhta» AQ bólimshesine jalpy salmaǵy 800 grammǵa jýyq kannabıs syǵyndysy (gashısh maıy) esirtki zaty bar poshta jóneltilimi túsken.
Jedel is-sharalar barysynda kúdikti «Telegram» messendjeri arqyly Taılandtan esirtkige tapsyrys bergeni anyqtaldy.
Poshta jóneltilimin ashý kezinde kosmetıkalyq zattar túrinde jasyrylǵan 8 ydystyń ishinde esirtki zattary anyqtalǵan.
«Sot úkimimen kináli tulǵaǵa 16 jylǵa bas bostandyǵynan aıyrý jazasy taǵaıyndalyp, tárkilengen esirtki joıyldy. Jalpy, bıyldan bastap QMA kontrabanda jáne esirtki quraldarynyń zańsyz aınalymy faktilerine qatysty 135 qylmystyq is tirkedi. Sonymen qatar 77,1 kg esirtki quraldary, 3,2 kg psıhotroptyq zattar, 206 myń anabolıkter (ýly zat) jáne 1 700 «Tropıkamıd» kóz tamshylary tárkilendi», delingen QMA habarlamasynda.