Qazaq sportshylarynyń ótken aptadaǵy jeńisteri týraly sholý maǵlumat sala mınıstrliginen málim boldy, dep habarlaıdy Egemen.kz.
Ýnıversıada: Italııanyń Týrın qalasynda ótip jatqan XXXII qysqy Ýnıversıadanyń alǵashqy aptasynda Qazaqstan stýdentteri 11 (3 altyn, 4 kúmis, 4 qola) júlde jeńip aldy.
Semserlesý: Bahreınniń Manama qalasynda jasóspirimder arasyndaǵy Álem kýboginiń komandalyq saıysynda Qazaqstan quramasy altyn medal enshilese, jekeleı synda Ǵabıden Mustafın qola júlde oljalady.
Áıelder kúresi: Fransııanyń Nısse qalasynda Henry Deglane Gran Prı týrnırinde Rıo Olımpıadasynyń qola júldegeri Elmıra Syzdyqova (76 kg) jáne Gúldana Bekesh (59 kg) top jardy.
Ústel tennısi: Týnıste WTT Youth Star Contender Tunis týrnırinde Alan Qurmanǵalıev qola medal ıegeri atandy.