Bokstan Qazaqstan erler quramasy bıylǵy alǵashqy oqý-jattyǵý jıynyn Túrkistan oblysynda ótkizip jatyr, dep jazady Egemen.kz.
31 qańtar kúni oqý-jattyǵý aıaqtalǵannan keıin quramanyń 2-3 nómirli boksshylary Ispanııaǵa attanady. Alakanta qalasynda ótetin halyqaralyq jıynda qazaq boksshylarynan bólek Ulybrıtanııa, Shotlandııa, Majarstan, Ispanııanyń bylǵary qolǵap sheberleri jattyǵady. Jıynnan soń atalǵan el sportshylary halyqaralyq týrnırde kim myqtyny anyqtaıdy. Bul týraly bas bapker Qaırat Sátjanov aıtty.
Al quramanyń 1 - nómirli boksshylary 10 aqpan Bolgarııanyń Sofııa qalasynda ótetin Strandja týrnırine attanady.
«Kóp elder osy jarysqa úzdik boksshylaryn ákeledi. Álbette, bıylǵy basty maqsatymyz – kúzde ótetin álem jáne Azııa chempıonattary. Bul jarystardyń barlyǵy bizdiń basty maqsatymyz, ıaǵnı keshendi jarystarǵa daıyndyǵymyzdy shyńdaý úshin kerek. Bul – 2026 jyly ótetin Azııa Oıyndary, 2027 jyly óz elimizde jalaýyn jelbiretetin álem chempıonaty men 2028 jyly ótetin Los-Andjeles Olımpıadasy», dedi Qaırat Sátjanov.
Bas bapkerdiń aıtýynsha osy aralyqta qurama jigitteri de irikteledi.
«Qazir qatarǵa qosylǵan talantty jastar kóp, bizdiń mindetimiz – el namysyn abyroımen qorǵaıtyn quramdy ádiletti irikteý jáne boksshylardy jan-jaqty ashý», dedi Qaırat Sátjanov.