Shyǵys Qazaqstanda ishimdikke masaıǵan azamat bomba týraly jalǵan habarlaǵany úshin qylmystyq is qozǵaldy, dep habarlaıdy Egemen.kz.
Alkogoldi kóp mólsherde tutynǵan azamat 102 arnasyna qońyraý shalyp, qaladaǵy klýbtardyń birinde bomba jasyrylǵanyn habarlaǵan. Aıta keterligi kúdikti atalǵan mekemeniń turaqty kelýshisi bolyp shyqty.
Oqıǵa ornyna dereý polısııanyń syrtqy jasaǵy men jedel tergeý toby jiberilgen. Alaıda klýbty tolyq tekserý barysynda eshqandaı jarylǵysh zat anyqtalmady.
Polıseıler izin sýytpaı kúdiktini qolǵa túsirdi. 28 jastaǵy jergilikti turǵyn óziniń áreketin alkogoldik masań kúıde jasaǵanyn jáne bolǵan jaıt esinde joq ekenin aıtyp túsinikteme bergen.
Terrorızm aktisi týraly jalǵan habarlaý faktisine sáıkes qylmystyq is qozǵaldy. Qazirgi ýaqytta kúdiktige eshqaıda ketpeý týraly qolhat túrindegi bultartpaý sharasy qoldanylyp, tergeý amaldary júrgizilip jatyr.
Polısııa departamenti terrorızm qaýpi týraly qasaqana jalǵan habar taratýdyń qylmystyq jaýapkershilikke ákep soǵatynyn eskertedi.