Ulttyq qaýipsizdik komıteti elordaǵa ońtústik óńirlerden esirtki jetkizetin iri arnany joıdy, dep habarlaıdy Egemen.kz.
Arnaıy operasııa barysynda Astanaǵa kele jatqan esirtki kýreri ustaldy. Onyń kóliginen 45 kg gashısh jáne 312 kg marıhýana tabyldy.
«Qylmystyq top múshelerinen taǵy 1,6 tonnadan astam marıhýana men 1 kg gashısh tárkilendi», dep habarlady UQK.
Astanadan esirtkilerdi soltústik aımaqtarda kóterme jáne bólshektep saýdalaý úshin taratý josparlanǵan.
Qylmystyq kodekstiń 297-babynyń 3-bóligi boıynsha sotqa deıingi tergeý júrgizilip jatyr. Kúdiktiler qamaýǵa alyndy.
Qylmystyq-prosestik kodekstiń 201-babynyń 1-bóligine sáıkes ózge aqparat jarııa etýge jatpaıdy.