Ortalyq saılaý komıssııasy aldyn ala nátıjeni usyndy. Oǵan sáıkes Aleksandr Lýkashenko Belarýstegi prezıdenttik saılaýynyń daýys berý qorytyndysynda 86,82 paıyz jınady, dep habarlaıdy Egemen.kz.
Belarýs Ortalyq saılaý komıssııasynyń 27 qańtardaǵy aldyn ala málimetine sáıkes A.Lýkashenko 86,82 paıyz, O.Gaıdýkevıch 2,02 paıyz, A.Hıjnıak 1,74 paıyz, A.Kanopatskaıa 1,86 paıyz jáne S. Syrankov — 3,21 paıyz daýys jınaǵan.
Barlyǵyna qarsy saılaýshylardyń 3,60%-y daýys berdi. Saılaýǵa qatysý kórsetkishi 85,70 paıyzdy qurady, al saılaýshylar sany 6 903 994 adam boldy.
Belarýs zańnamasyna sáıkes, saılaýshylardyń 50 paıyzdan astam daýysyn jınaǵan úmitker jeńiske jetedi. OSK prezıdent saılaýynyń sońǵy qorytyndysyn 3 aqpanda shyǵarýdy josparlap otyr.
Qorytyndy rastalǵannan keıin A.Lýkashenko Belarýstiń prezıdenti bolǵany resmı túrde jarııalanady.