Qostanaıdaǵy «Maral Ishan» meshitinde urlyq jasaǵan adam ustaldy, dep jazady Egemen.kz.
39 jastaǵy er adam ózgeniń syrt kıimin qoldy etken. Onyń bul áreketi meshit ishindegi beınebaqylaý kamerasyna túsip qalǵan.
Polısııa kúdiktiden bul áreketine túsinik berýdi suraǵanda, óziniń kıimi juqa ekenin syltaýratqan. Quzyrly organ er adamnyń destrýktıvti radıkaldy aǵymdardyń jaqtaýshysy bolǵanyn habarlady.
Qazirgi ýaqytta polısııa qyzmetkerleri qylmystyq kodekstiń 188-baby «Urlyq» boıynsha sotqa deıingi tergep-tekserý júrgizip jatyr. Kúdiktiniń osy sıpattaǵy ózge de qylmysqa qatysy bar-joǵy da anyqtalady.