О́SKEMEN. 18 maýsym. Aımaq basshysy Danıal Ahmetovtiń ókimimen Aıbek Kárimov Zyrıan aýdanynyń ákimi bolyp taǵaıyndaldy. Bul týraly egemen.kz tilshisi habarlady.
Aıbek Mútálaphanuly 2011 jyldyń qańtar aıynan beri Semeı qalasyna basshylyq jasaǵan bolatyn. Semeı qalasyna deıin Aıagóz, Tarbaǵataı, Shemonaıha aýdandarynyń ákimi, Shyǵys Qazaqstan oblysy ákiminiń orynbasary bolyp eńbek etken.
«Zyrıan aýdanynyń ónerkásip jáne agrarlyq sektordaǵy áleýeti óte aýqymdy. Aıbek Kárimovtiń jumys tájirıbesi mol. Sondyqtan, Aıbek Mútálaphanulynyń aýdandy alǵa jyljytýǵa úles qosatynyna senemin», – dedi aýdan aktıvine jańa basshyny tanystyrǵan oblys ákimi Danıal Ahmetov.
Al Zyrıan aýdanynyń burynǵy ákimi Ermak Salımov Semeı qalasynyń ákimi bolyp taǵaıyndaldy.
Dýman Anash.
Derek, sýret: egemen.kz.