Almaty qalasynda ótken 5-shi «EO-Ortalyq Azııa azamattyq qoǵam forýmy» Birikken ulttar uıymy agenttikteri men azamattyq qoǵam uıymdarynyń 150-den astam ókiliniń basyn qosty, dep habarlaıdy Egemen.kz.
Elimizdegi Azamattyq Alıanstyń prezıdenti Baný Nurǵazıeva qoǵamdyq keńesterge qatysty oıyn bildirip, onyń saıası alańdaǵy mańyzyna toqtaldy.
«Bul bizge kerek forým. Is-sharada aıtylyp, talqylanyp jatqan máseleler óte ózekti. Ortalyq Azııada azamattyq qoǵam damıtyn bolsa, onda memleketteri de myqty bolmaq. Sonymen qatar Eýropalyq Odaq pen Ortalyq Azııanyń elderi jaqsy qarym-qatynasta bola bermek», dedi ol.
Sonymen qatar sarapshy elimizde qabyldanǵan jańa zańdardyń azamattyq qoǵamnyń damý qarqynyna oń áser beretinin atap ótti.
«Bizdiń elimizde «Qoǵamdyq baqylaý týraly» zań qabyldandy. Sonyń nátıjesinde bul baǵyttaǵy jumys jaqsy júrip jatyr. Alys-jaqyn shetelderdiń ókilderi bizdiń qoǵamdyq uıymdardyń jumysyna qyzyǵýshylyq tanytady. Aıta keter jaıt qoǵamdyq keńes durys jumys isteý úshin onyń quramy 100% qoǵam ókilderinen quralýy kerek. Alaıda, áli kúnge deıin bizde 70%-y qoǵam ókilderi, al qalǵandary memlekettik organdar nemese basqa saladan kelgender. Bolashaqta osy máseleni de jolǵa qoıý kerek», dedi Azamattyq Alıanstyń prezıdenti Baný Nurǵazıeva.