Osy turǵyda Májilis depýtaty Tańsáýle Serikov óziniń depýtattyq saýalyn Úkimet basshysyna joldady, dep jazady Egemen.kz.
Depýtattyń aıtýynsha qoǵamdyq kólik jolaqysynda keıbir óńirlerde jeńildik múldem qarastyrylmaǵan. II–III top múgedekterine jeńildik jasalsa degen usynysty eskergen bir adam joq.
«О́zbekstanda jalǵyzbasty qarttarǵa jáne bógde adamdardyń kómegine muqtaj múgedektigi bar adamdarǵa qalalyq qoǵamdyq kólikte tegin jol júrý quqyǵy beriledi. Al Qyrǵyzstanda I, II, III toptaǵy múgedektigi bar adamdar qoǵamdyq kólikte tegin jol júrýge quqyly», degen depýtat taǵy birneshe osyndaı mysaldar keltirip, al, Qazaqstanda basqasha ekenin aıtty.
«Almaty men Pavlodarda ekinshi toptaǵy múgedekter úshin tegin jol júrý jáne 18 jasqa deıingi múgedektigi bar balalardy alyp júretin adamdar úshin 50 paıyzdyq jeńildik qarastyrylǵan. Qaraǵandyda birinshi toptaǵy múgedekter úshin ǵana tegin jol júrý múmkindigi bar. Ár óńirde ár túrli, bir júıelilik joq. Bir qaladan ekinshi qalaǵa tegin qatynaý ne múgedekke, ne onyń kómekshisine de joq», dedi Tańsáýle Ǵabdymanapuly.
Osy jáne basqa da máseleler múmkindigi shekteýli jandar týraly zańnamalarǵa ózgertý engizý qajettiligin týyndatyp otyrǵanyn tilge tıek etken depýtat osy oraıda birneshe usynystaryn aıtty:
«1. Elimiz boıynsha birdeı 2-3 toptaǵy múgedekter úshin de qoǵamdyq kólikte arnaıy jeńildikter qarastyrý. Keıbir qalalarda paıdalanylatyn jeńildikti elektrondyq jol júrý kartalary boıynsha qolda bar derekterdi biriktirý arqyly Qazaqstan boıynsha biryńǵaı kólik kartasyn engizý.
2.Múgedektigi bar jandarǵa arnaıy beıimdelgen avtokólikterin shyǵarý jáne memlekettiń qoldaýymen arnaıy baǵdarlamamen jeńildetilgen avtonesıe berý joldaryn qarastyrý.
3.Barlyq sanattaǵy múgedektigi bar balalarǵa ınvataksı qyzmetiniń qoljetimdiligin qamtamasyz etý», dep aıaqtady saýalyn Tańsáýle Serikov.