Prezıdent Qasym-Jomart Toqaev Úkimettiń keńeıtilgen otyrysynda elimizdiń túrli baǵytta atqarylyp jatqan jumysyna jan-jaqty toqtalyp ótti. Sonyń ishinde elektrondyq saýda-sattyq máselesin qozǵap, onyń kóleminiń artýy biz úshin jańa múmkindikterge jol ashady dedi. Rasynda, elimizdiń atalǵan saladaǵy áleýetin tolyq paıdalanýdyń mańyzdylyǵy óte zor.
Logıstıka júıesiniń damýy – bıznestiń tabysty bolýynyń negizgi faktorlarynyń biri. Qazirgi ýaqytta kóptegen kásiporyn men saýda kompanııasyna taýarlardy tıimdi ári ýaqytynda jetkizý – basty mindet. Osy tusta «jasyl dálizderdiń» tıimdi jumys atqarýy mańyzdy ról atqarady. Eger tasymaldaý júıesi jeńildetilse, shekaralas eldermen saýdadaǵy múmkindikter eselene túser edi. Sol sebepti, ınfraqurylymdy damytý – kásipkerler úshin basty qadam.
Sonymen qatar qazirgi zamanǵy tehnologııalar logıstıkany ǵana emes, jalpy bıznes-úderisti ońtaılandyrýǵa da yqpal etedi. Avtomattandyrý, sıfrlandyrý, jasandy ıntellekt sııaqty quraldar kompanııalarǵa ýaqyt pen resýrsty únemdeýge, qyzmet kórsetý sapasyn arttyrýǵa, básekege qabilettilikti kúsheıtýge múmkindik beredi.
Qoryta aıtqanda, bul baǵyttaǵy memlekettiń qoldaýy arta tússe, elimizdiń ekonomıkalyq baǵyttaǵy kásipkerlik ortasy jaqsaryp, kásipkerler úshin jańa múmkindikterge jol ashylady degen senimdemin.
Oljas Quspekov,
Májilis depýtaty