Túrkistan oblysynda jol apatynan alty adam qaza tapty. Polısııa eki kóliktiń qatysýymen bolǵan jol apaty boıynsha tergeý júrgizip jatyr, - dep habarlaıdy Egemen.kz.
3 aqpanda Túrkistan oblysynyń Kentaý-Túrkistan tasjolynyń 5-shaqyrymynda Aýdı markaly eki birdeı kóliktiń qatysýymen jol apaty oryn alyp, sońynan órt shyqty.
- Aldyn ala málimetter boıynsha jeńil kólikterdiń biriniń júrgizýshisi qarsy jolaqqa shyǵyp, ekinshisimen soqtyǵysqan. Apat saldarynan 6 adam qaza taýyp, 4 adam túrli dene jaraqattarymen Kentaý qalasynyń medısınalyq mekemesine jatqyzyldy, - dedi Túrkistan oblysy PD baspasóz qyzmetinde.
Qazirgi ýaqytta oqıǵanyń barlyq mán-jaılary anyqtalyp, sotqa deıingi tergeý amaldary júrgizilip jatyr. Onyń nátıjesimen prosestik sheshim qabyldanatyn bolady.
Túrkistan oblysynyń polısııa departamenti júrgizýshilerdi jol erejesiniń talaptaryn saqtaýǵa, jyldamdyqty asyrmaýǵa jáne qarsy jolaqqa shyqpaýǵa shaqyrady.