3 aqpanda Túrkistan oblysynda «Kentaý-Túrkistan» tas jolynyń besinshi shaqyrymynda eki kólik soqtyǵysyp, artynan iri órt shyqty, dep habarlaıdy Egemen.kz.
Aldyn ala málimet boıynsha, júrgizýshiniń biri qarsy qozǵalys jolaǵyna shyǵyp ketip, basqa kólikpen soqtyǵysqan.
«Jol apaty saldarynan alty adam qaza taýyp, zardap shekken tórt adam túrli dene jaraqattarymen Kentaý qalasyndaǵy medısınalyq mekemege jatqyzyldy. Qazirgi ýaqytta sotqa deıingi tergeý amaldary júrgizilip, barlyq mán-jaılar anyqtalyp jatyr, onyń qorytyndysy boıynsha prosessýaldyq sheshim qabyldanady», dep habarlady Túrkistan oblysy polısııa departamentiniń baspasóz qyzmeti.
Vedomstvo barlyq azamattardy jol qozǵalysy erejelerin saqtaýǵa, belgilengen jyldamdyqty asyrmaýǵa jáne qarsy jolaqqa shyqpaýǵa shaqyrady.