Oral qalalyq sotynda Oral qalalyq sáýlet bóliminiń eks-basshysy 33 jastaǵy Muratbek Táshenbaevqa qatysty sot prosesi aıaqtaldy, dep habarlaıdy Egemen.kz.
Sheneýnikke para aldy jáne qyzmet babyn asyra paıdalandy degen aıyp taǵyldy. Onymen birge 27 jastaǵy Nursultan Ǵataý da kúdiktiler qatarynda. Ol - bólimniń bas mamany. Qylmystyq is boıynsha úshinshi aıyptalýshy 41 jastaǵy Asyljan Kópbaev para berdi dep aıyptaldy.
Olardyń qylmystyq áreketteri saldarynan memleketke 92 mıllıon teńgege jýyq somaǵa asa iri kólemde zııan keltirilgen.
Sot úkimimen Muratbek Táshenbaev ózine taǵylǵan aıyptar boıynsha kináli dep tanyldy. Ol 7 jylǵa bas bostandyǵynan aıyryldy. Sonymen qatar, sot oǵan ómir boıyna qandaı da bir memlekettik qyzmette jumys isteýge tyıym saldy. Táshenbaev sot zalynda qamaýǵa alyndy. Ol buryn úıqamaqta bolǵan. Endi burynǵy bas sáýletshi jazasyn qaýipsizdigi ortasha túzeý mekemesinde óteıtin bolady.
Nursultan Ǵataý para alǵany jáne laýazymdyq ókilettikterin asyra paıdalanǵany úshin de kináli dep tanyldy. Oǵan 3 jyl 6 aı bas bostandyǵynan aıyrý jazasy taǵaıyndaldy. Elden shyqpaý týraly qolhaty qamaýda ustaýǵa aýystyryldy. Ǵataý sot zalynda qamaýǵa alyndy.
Sot Asyljan Kópbaevty para bergeni úshin kináli dep tanyp, ony jeti jylǵa bas bostandyǵynan aıyrdy. Ol buryn kepil somasyn tólep, bostandyqta júrgen. Alaıda, Kópbaev ta sot úkimi boıynsha sot zalynda qamaýǵa aldy.