Atalǵan oblysqa qarasty Qandyaǵash qalasyndaǵy «Samal» balabaqshasynda balalarǵa berilgen botqadan qurt pen qońyz tabylǵanyn buǵan deıin jazǵan bolatynbyz. Osy oqıǵaǵa oraı sanıtar mamandar tekserý júrgizgen, dep habarlaıdy Egemen.kz.
Qurt qaptaǵan botqany aldymen kórgen tárbıeshiler dabyl qaqqan.Tańǵy taǵamda qurt pen qońyzdyń órip júrgenine aspazdar da, meıirbıke de kóńil aýdarmapty. Bastysy, balalar aýyz tıip úlgermegen.
Aqtóbe oblysy sanıtarııalyq-epıdemıologııalyq baqylaý departamentiniń bólim basshysy Laýra Rshaýovanyń aıtýynsha tamaq ónimderin saqtaý kezinde temperatýra, ylǵal rejımi buzylǵan.
Sonymen qatar balabaqsha qoımasy salystyrmaly ylǵaldy baqylaý aspaptarymen jabdyqtalmaǵan. Teksergen kezde jarma saqtalatyn qoımadan jándikter tabylǵan. Táýlik synamasynda suly botqasynan qalǵan synamada qońyzdar anyqtalǵan.
ktk.kz aqparatynda balabaqshaǵa 450 myń teńgedeı aıyppul salynǵany aıtylǵan.