Jastar arasynda salaýatty ómir saltyn nasıhattap, olardy esirtkini qoldaný men taratýdan tyıatyn kórneki úgitti udaıy júrgizetin oblystyq Polısııa departamentiniń Esirtki qylmysyna qarsy is-qımyl basqarmasy bul joly oqý oryndary arasynda esirtkige qarsy úzdik kórme baıqaýyn uıymdastyrdy.
Kórmede esirtkige qarsy sýretter, plakattar, qolóner buıymdary, úgit paraqtary, paraqshalar men býkletter, kitaptar, broshıýralar men bannerler kórsetildi. Qatysýshylar osy arqyly densaýlyqty jastaı kútip, salaýatty ómir saltyn ustanýǵa shaqyrdy.
Sýretter men qolóner buıymdary jastardyń shyǵarmashylyq qabiletterin damytyp, jarqyn ómirge qyzyǵýshylyǵyn arttyrýǵa yqpal etse, al usynylǵan kitaptar men broshıýralar, úgit-nasıhat paraqtary, esirtkini qoldaný men taratýdyń jaǵymsyz saldary týraly baıan etedi.
Komıssııa sheshimine sáıkes on qatysýshy úzdik dep tanyldy. Jańaqorǵan aýdanyndaǵy №289, Shıelidegi №50, Qazaly aýdanyndaǵy №226, Aral aýdanyndaǵy №292 orta mektepter men M.Mámetova atyndaǵy Qyzylorda pedagogıkalyq joǵary kolledji jeńimpazdar qatarynan tabyldy.