Atyraý oblysynda qaterli isik dertine shaldyqqan 102 bala bar. Bul syrqattyń dıagnozy 1 aılyq sábıge de qoıylǵan, dep habarlaıdy Egemen.kz.
Bul týraly Atyraý oblysynyń shtattan tys onkogematology Gúljan Ilııasova habarlady.
«Balalar qaterli isik syrqatyna sırek shaldyǵady. Kámeletke tolmaǵandardyń arasynda mundaı aýrýdyń paıda bolýyna birneshe faktor áser etedi. О́ıtkeni bul – jasýshalardyń baqylaýsyz ósýi men bólinýi nátıjesinde paıda bolatyn aýrýlar toby. Sol úshin jyl saıyn skrınıngten ótip turýy kerek. Qazir Atyraý oblysynda qaterli isikke shaldyqqan 102 bala dıspanserlik esepke alyndy. Dárigerlerdiń tekserýinen keıin 1 aılyq sábıge jedel leıkoz dıagnozy qoıyldy», deıdi Gúljan Ilıasova.