Soltústik Qazaqstan oblysynyń Taıynsha jáne Aıyrtaý aýdandarynda tabıǵattyń erkesi, sulý elikterdi atqandar ustaldy, dep habarlaıdy Egemen.kz.
Respýblıkalyq «Brakoner» sharasynyń sheńberinde zańsyz ańshylyqty baqylaýǵa shyqqan polıseıler Taıynsha aýdanyndaǵy kúdiktiniń úıine kelgende onyń qorasynan jaırap jatqan bes elikti tapqan. Janýarlar 43 jastaǵy azamattyń qolynan oqqa ushqany belgili boldy. Onyń TOZ-34 markaly myltyǵy tárkilendi. Tabıǵatqa keltirilgen shyǵyn 7 mln teńgeniń shamasynda.
Ekinshi brakoner Aıyrtaý aýdanynda atpen júrgende ustaldy. Ol eshqaıda tirkelmegen IJ-17 markaly myltyqpen úsh elikti atyp tastaǵan. Eki is boıynsha da qylmystyq is qozǵalyp, sotqa jiberýge daıyndalyp jatyr.
Soltústik Qazaqstan oblysy