Reseı prezıdenti Vladımır Pýtın Er-Rııadta Reseı men AQSh delegasııalary arasyndaǵy kelissózdiń nátıjeli ótkenin joǵary baǵalap otyr, dep habarlaıdy Egemen.kz.
Bul týraly Kreml basshysy Sankt-Peterýbrgtegi «Radar mms» ǵylymı-óndiristik kásipornyna barǵan kezinde tilshilerge bergen suhbatynda aıtty.
Prezıdent basqosýda talqylanǵan basty taqyryptyń biri Ýkraınadaǵy jaǵdaı bolǵanyn atap ótti. Budan bólek taraptar Taıaý Shyǵystaǵy ahýal, ekonomıka, energetıka jáne ǵaryshty ıgerý máseleleri qozǵalǵanyn jetkizdi. Vladımır Pýtın Máskeý men Vashıngtondaǵy eki el dıplomatııalyq mıssııalarynyń jumysyn qaıta qalpyna keltirý sheshimin de quptaıtynyn bildirdi.
«Kelissózdiń maqsaty - Reseı men AQSh qarym-qatynasyn qalpyna keltirý. Eki el arasyndaǵy senim deńgeıin arttyrmaıynsha, Ýkraınadaǵy jaǵdaıdy retteý syndy kúrdeli máselelerdi sheshý múmkin emes. Telefon arqyly sóıleskende Donald Tramp kelissózderge Reseı de, Ýkraına da qatysatynyn aıtqan. Eshkim Ýkraınany shettetken joq. Amerıka prezıdentimen kezdesý úshin bizdiń komandamyz eki jaqqa da mańyzdy suraqtardy daıyndaý kerek. Bul qos tarap úshin tıimdi sheshimder qabyldaýǵa qajet. Al ol ońaı sharýa emes», dedi V. Pýtın.