«Bıylǵy jyldyń 29 mamyrynan bastap «SCAT» áýekompanııasy Shymkent – Kaır áýe joly boıynsha Egıpetke jańa baǵyt ashýdy josparlap otyr, dep habarlaıdy Egemen.kz.
«Reıster aptasyna 2 ret (dúısenbi jáne sársenbi kúnderi) «Boeing 737-800» jáne «Boeing MAX 8» tıpti áýe kemelerinde oryndalady», dep habarlady Kólik mınıstrliginiń baspasóz qyzmeti.
Áýe qatynasynyń ashylýy eki el arasyndaǵy yntymaqtastyqty odan ári damytýǵa yqpal etpek.
Aıta keteıik, Kólik mınıstrligi turaqty negizde ushý geografııasyn keńeıtý jáne qoldanystaǵy marshrýttardaǵy reıster sanyn arttyrý boıynsha jumys júrgizip jatyr.