Jambyl oblysynda «Taza Qazaqstan» ekologııalyq aksııasy jalǵasyp jatyr. Jastardyń belsendilik tanytýymen óńirdiń birqatar aýdandarynda saıabaqtar qoqystan tazartyldy, dep habarlaıdy Egemen.kz
Oblys ortalyǵy Taraz qalasyndaǵy Qaırat Rysqulbekov atyndaǵy saıabaqqa jınalǵan erikti jastar qap-qap qoqys jınap, arnaıy oryndarǵa aparyp tókti.
«Shahar turǵyndary ekologııalyq mádenıetti saqtasa deımiz. Árbir azamat qala tazalyǵy úshin jaýapty ekenin sezingeni lázim. Jastar bul aksııaǵa qaı kezde de belsendilikpen qatysyp júr. Osy jyly da judyryqtaı jumylatynymyz anyq», deıdi ekologııalyq aksııaǵa qatysýshylardyń biri Darhan Baıpaq.
О́ńir jastarynyń uıymdastyrýymen ótken ekologııalyq aksııaǵa Baızaq, Jambyl aýdandarynyń jastary da úles qosty. Atap aıtsaq, Jambyl, Merki, Baızaq aýdandaryndaǵy ortalyq saıabaqtar da qoqystan tazartyldy.