Qylmystyq top jarty jyl ishinde Arqalyqtyń mańaıyndaǵy eldi mekenderden 14 sıyr, 30 jylqy urlaǵan, dep jazady Egemen.kz.
«Jedel-izdestirý sharalarynyń nátıjesinde 5 adamnan turatyn qylmystyq top ustaldy. Qazir asa iri mólsherde mal urlyǵyn jasaý qylmysy boıynsha sotqa deıingi tergeý júrip jatyr. Kúdiktiler ýaqytsha ustaý ızolıatoryna qamaldy. Atalǵan qylmysty jasaǵany úshin urylardyń múlki tárkilenip, 7 jyldan 12 jylǵa deıin bas bostandyǵynan aıyrylýy múmkin», deıdi PD krımınaldyq polısııa basqarmasynyń jedel ýákili Erjan Beıisov.
Polısııa urylar satyp úlgermegen 15 jylqyny ıelerine qaıtaryp bergen. Qalǵan maldyń quny aqshalaı óteledi. Qarapaıym jurtty qan qaqsatqan qylmystyq top jalpy kólemi 25 mıllıon teńgeden astam shyǵyn keltirgen.