Kóktemgi merekelerge oraı naýryz aıynda jolaýshylar aǵynynyń artýyna baılanysty Ulttyq tasymaldaýshy qosymsha poıyzdardy iske qosyp, oryn sanyn arttyrady, dep habarlaıdy Egemen.kz.
QTJ baspasóz qyzmetiniń habarlaýynsha, Halyqaralyq áıelder kúni men Naýryz meıramy kezinde jolaýshylarǵa 58 myńnan astam qosymsha oryn usynylady.
Halyqaralyq áıelder kúnine oraı suranysy joǵary baǵyttarǵa 265 qosymsha tirkeme vagony qosylyp, qala mańy poıyzdarynyń júrý jıiligi artady:
•№6811/6812 «Astana-1- Býrabaı kýrorty» – 7, 8, 9, 10 naýryz aralyǵynda qatynaıdy (jóneltý jáne keri baǵytta).
•№6868/6869 «Temirtaý-Aqadyr» – 7, 8, 9, 10 naýryz aralyǵynda qatynaıdy (jóneltý jáne keri baǵytta).
Jalpy poıyzdarda 8 naýryz merekesine 18 myńnan astam qosymsha oryn bólinedi. Naýryz meıramy kezinde jolaýshylar tasymalyn qamtamasyz etý maqsatynda qosymsha 3 poıyz jolǵa shyǵady:
•№201/202 «Astana (NJ)-Almaty-1» – 20, 21, 23, 24 naýryz aralyǵynda qatynaıdy (jóneltý jáne keri baǵytta).
•№203/204 «Astana-1-Shymkent» – 21, 22, 24, 25 naýryz aralyǵynda qatynaıdy (jóneltý jáne keri baǵytta).
•№257/258 «Aqtóbe-Astana (NJ)» – 16, 18, 20, 22, 23, 25 naýryz aralyǵynda qatynaıdy (jóneltý jáne keri baǵytta).
Sonymen qatar, qala mańy baǵyttarynda qosymsha elektr poıyzdary iske qosylady:
•№6811/6812 «Astana-1-Býrabaı kýrorty» – 21, 22, 23, 25 naýryz aralyǵynda qatynaıdy (jóneltý jáne keri baǵytta).
•№7553/7556 «Qaraǵandy-Astana-1» – 21, 22, 23, 25 naýryz aralyǵynda qatynaıdy (jóneltý jáne keri baǵytta).
Naýryz meıramy kezinde suranysy joǵary baǵyttarǵa 432 qosymsha tirkeme vagony qosylyp, 20 myńnan astam oryn usynylady.