Dinı basqarma bekitken 2025 jylǵy dinı kúnder kestesine sáıkes, bıyl Ramazan aıynyń alǵashqy kúni kóktemniń birinshi kúnine, ıaǵnı 1 naýryzǵa sáıkes keledi, dep habarlaıdy Egemen.kz.
Kestege sáıkes bıyl oraza 29 kúnge sozylady.
Ramazan – musylmannyń tán lázzattarynan ýaqytsha tyıylyp, rýhanı áleýetin arttyratyn qasıetti aı. Bul aıda adamdar qudaıǵa qulshylyǵyn arttyryp, izgi áreketterdi kóptep jasaýy tıis.
Islam ǵulamalarynyń aıtýynsha, asaýǵa tusaý salǵandaı etip nápsisin ıgergen adam júrek kózin asha alady. Bul adamnyń -ómirdegi uly maqsattarynyń biri. Sebebi qudaıǵa adamnyń júreginen basqa eshnárse kerek emes.
Hakim Abaı 17 qara sózinde «Qudaıshylyq sonda, qalpyńdy (júregińdi) taza saqta, Qudaı taǵala qalpyńa árdaıym qaraıdy dep kitaptyń aıtqany osy», dep jazady.
Sondyqtan Ramazan – kúnádan tyıylyp, jan tynyshtyǵyn tabýǵa kómektesetin múmkindik aıy.