Búgin, naýryz aıyna belgilengen UBT bastaldy. Test tapsyrýǵa 163 myńǵa jýyq adam ótinish berdi, dep habarlaıdy Egemen.kz.
Bilim synaǵyna qatysatyndardyń 76 paıyzy qazaq tilin, 23,9 paıyzy orys tilin tańdasa, 162 adam aǵylshyn tilin qolaı kórgen.
Testileýdiń alǵashqy kúni, 1 naýryzda respýblıka boıynsha 775 adam synaqtan ótti.
Talapkerlerdiń 17,5 paıyzy medısına, pedagogıka jáne aýyl sharýashylyǵy mamandyqtaryna túsýdi kózdese, 17,1 paıyzy matematıka-fızıka, 10,5 paıyzy matematıka-ınformatıka pánderin tańdaǵan. Iаǵnı, bolashaqta ınjenerler men IT mamandary bolǵysy kelgen.
UBT-daǵy pánderdiń sany ózgergen joq, úsheýi mindetti jáne ekeýi tańdaý boıynsha. UBT tapsyrmalar sany – 120. Onyń ishinde Qazaqstan tarıhynan 20 tapsyrma, oqý saýattylyǵynan 10 tapsyrma, matematıkalyq saýattylyqtan 10 tapsyrma jáne eki beıindik pán boıynsha 40 tapsyrmadan. Joǵary ball – 140.
Testileý ýaqyty – 4 saǵat. Erekshe qajettiligi bar balalarǵa qosymsha 40 mınýt ýaqyt beriledi.
Eske salaıyq, naýryzdaǵy UBT-ǵa shartty túrde aqyly negizde kúndizgi oqý nysany boıynsha joǵary oqý oryndaryna qabyldanǵan, byltyrǵy mektep jáne kolledj túlekteri, Qazaqstan azamaty bolyp sanalmaıtyn ulty qazaq azamattar, sondaı-aq mektep bitiretin túlekter joǵary oqý oryndaryna aqyly negizde túsý úshin qatysady. UBT 6 sáýirge deıin jalǵasady.