Reseıdiń Krasnoıarsk oblysynda Maslennısa merekesinde ótken quımaq jeý jarysy qaıǵyly jaǵdaımen aıaqtalǵan. 36 jastaǵy Natalıa Alatova jarys kezinde taǵamdy shaınamaı jutyp, tunshyǵyp qalǵan, dep habarlaıdy Egemen.kz.
Kýágerlerdiń aıtýynsha, áıel jeńiske jetý úshin quımaqty óte jyldam jegen. Alaıda kóp mólsherdegi taǵam óńeshin jaýyp, tynys alýyn toqtatqan. Dereý kómek kórsetilgenimen, ony aman alyp qalý múmkin bolmaǵan.
Quqyq qorǵaý organdary oqıǵanyń mán-jaıyn anyqtap jatyr. Uıymdastyrýshylar jarystyń barlyq qaýipsizdik talaptaryna saı ótkenin málimdegen. Degenmen, bul qaıǵyly oqıǵa taǵam jeý jarystarynyń qaýipsizdigine qatysty alańdaýshylyq týdyryp otyr.