Dúnıejúzilik ekonomıkalyq forýmnyń Saıahat pen týrızmdi damytý ındeksine sáıkes Qazaqstan týrıstik baǵyttar tiziminde 119 el arasynan 52-oryndy ıelendi, dep jazady Egemen.kz.
Buǵan deıingi ındekste Qazaqstan 66-orynǵa taban tiregen edi. Salalyq mınıstrlik 2025-2029 jyldary osy kórsetkishti 50-shi orynǵa deıin kóterýdi josparlap otyr.
Sonymen qatar aldaǵy 4 jylda Shýche-Býrabaı, Mańǵystaý kýrorttyq óńiri men Almaty taý klasterin damytýǵa aıryqsha den qoımaq. 2027 jylǵa deıin quny 1,1 trln teńgeden asatyn 181 ınvestısııalyq jobany júzege asyrý kózdelgen. Osy jobalar sheńberinde týrızm salasynda eńbek etetin adamdar sany 800 myńǵa ulǵaıtylmaq.
Elimizdegi ishki týrıster sanyn 11 mıllıonǵa jetkizip, barlyq qonaq úıge eQonaq aqparattyq júıesin engizý mejesi qoıylǵan.
Týrızm ındýstrııasy komıtetiniń málimetinshe, byltyr Qazaqstanǵa 5,3 mln sheteldik týrıst kelgen, olar elimizde ortasha eseppen 1500 AQSh dollaryn jumsaǵan.