Injenerlik jumystar elimizdiń ártúrli óńirlerinde belsendi júrgizilip jatyr, dep habarlaıdy Egemen.kz.
«576 shaqyrym qorǵanys bógenderi men bilikteri turǵyzylyp, 822 shaqyrym drenaj júıeleri, kanaldar men aryqtar jóndelip salynǵan. Avtomobıl jáne temirjol qatynastarynda 960 sý ótkizý qurylystary ornatylyp, aýystyryldy. 74 ózenniń qaýipti ýchaskelerinde 500 shaqyrymǵa jýyq túbin tereńdetý, jaǵalaýdy nyǵaıtý, arnalardy tazartý sekildi jumystar júrgizildi. Zardap shekkenderdi qabyldaýdyń 3,5 myńnan astam pýnkti daıyndalyp, bronnan bosatylǵan jaǵdaıda tirshilikti qamtamasyz etý quraldary men memlekettik materıaldyq rezerv tehnıkasy aıqyndalǵan», delingen TJM habarlamasynda.
Atalǵan sharalardyń barlyǵy halyqtyń qaýipsizdigin arttyrýǵa jáne yqtımal sý tasqynynan bolatyn zalaldy barynsha azaıtýǵa baǵyttalǵan.