Paradzıýdodan tuńǵysh chempıon

Byltyrǵa deıin Pa­ralımpıada ǵana emes, jazǵy Olımpııa oıyndarynda dzıýdo kúresinen qazaq qyzdaryna medal buıyrmaı kelgen edi. Oısyraǵan olqylyqty qarshadaı qyz bútindep berdi. Aqmaral Paralımpııa oıyn­darynyń shırek fınalynda úndistandyq Kokılony aıqyn basymdyqpen jyqty. Jartylaı fınalda túrik qyzy Jahıde Ekeni de erkin eńserdi. Fınalda syralǵy qarsylas, fransýz qyzy Martıne Sandrınmen bel­desti. О́z elinde ótip jatqan tórtjyldyq alamannyń altyn medali úshin Sandrın baryn sa­lyp kúreskenimen, qazaqtyń qar­shyǵadaı qyzynyń qaıratyna tó­tep bere almaı, oısyraı jeńildi.

Odan buryn, 2022 jyly Ázer­baıjannyń Baký qalasynda paradzıýdodan álem chempıonaty ótti. Aqmaral óziniń úı­ren­shikti salmaǵy sanalatyn ­48 kıloda beldesýge tústi. Barlyq qar­sylastaryn aıqyn utyp, jahandyq dodanyń altyn meda­lin ıelendi. Jalpy, paradzıý­dodan álem chempıonatynyń al­tyn medalin sportshylarymyz­dyń arasynan alǵash bolyp 2018 jyly Oljas Orazaly oljalasa, áıel­der arasynda Aq­ma­ral tuń­ǵysh top jardy. Fı­naldyq tartys­ta Fransııanyń maqtanyshy Martı­ne Sandrındi utty. О́zinen 17 jas úlken qarsylasynan qaımyq­qan joq. Aqmaral bes jasqa tol­ǵanda bul Martıne 2004 jyly Afı­na paralımpıadasynyń kúmis medalin, 2008 jyly Beıjiń, 2021 jyly Tokıo paralımpıadasynyń da ­fı­­nalynda súrinip, kúmis­ti oljalady. 2016 jyly maqsatyna jetip, Rıo Paralımpııa oıyndary­nyń chempıony atandy. Mine, osyndaı at úrkiter ataq­­­­qa ıe sańlaqty qaısar qyz qaımyqtyra bil­di. Bakýde ótken álem chem­pıo­natynyń altyn medali Aqma­ralǵa óte baǵaly. Sebebi ol osy dúnıe dıdaryn aýdarǵan dodada Martıneden bólek Tokıo Paralımpıadasynyń chempıony, ázerbaıjan qyzy Shahana Gadjıeva da beldesti. О́z elinde baryn salyp kúreskenimen oǵan qola medal ǵana buıyrdy.

Aqmaraldyń kórý qabileti­niń nasharlaýy týabitti kesel emes. Ol sport mektebinde oqyp júrip jasóspirimder arasyn­da, jastardyń dodasynda da belde­sip aıtarlyqtaı tabysqa jetti. Bi­raq birte-birte kóziniń qarashy­ǵy seme bastady. Tipti dárigerler sportty doǵarý keregin de aıtty.

– Sol sátte meniń aldymda eki tańdaý turdy. Ekeýi de nartáýekel edi. Sportty osy aradan doǵaryp, ózimdi basqa salada synap kórý nemese sportty qaıta jalǵastyryp, ózimdi paradzıýdoda synap kórý. Psıhologııalyq turǵyda aýyr soqty. 11 jastan bastap dzıýdomen shuǵyldanyp, 7-synyptan bastap sport mektebine qabyldanyp, dańǵyl jol endi bastalǵan edi. 2020 jyly eresekter arasynda el chempıony atandym. Bi­raq medısınalyq tekseristiń qo­rytyndysy kóńil qýantpa­dy. Halyqaralyq saıystarǵa q­atysýyma ruqsat berilmedi. Ota jasatsam da esh qaıran bolmady. Taǵdyrǵa moıynsundym, qıyn sátte anama arqa súıep, aqy­lyn tyń­dadym. Pa­ra­dzıýdomen sporttaǵy saparymdy jalǵas­tyramyn, álem chempıony atanamyn, Paralımpıadanyń ­altynyn alamyn degen armanym­nyń oryndalatynyna ana júregi shú­básiz sendi. Qandaı qıyndyq, ke­dergi kezikse de tireý bolatynyn jet­kizip, demedi. Sóıtip, maq­sa­ty­myz oryndaldy, – deıdi batyr qyz.

Jaqynda Halyqaralyq dzıýdo federasııasy Aqmaral Naýat­bekke esim-soıy altyn tústes jazylǵan japsyrmany jiberdi. Budan bylaı qazaqtyń qaısar qyzy esimi altyn árip­pen ádiptelgen kımono kıip kúresedi. 26 jasqa tolǵan ba­lýannyń 2028 jyly Los-Andjeleste ótetin Paralım­pıada dodasynda top jaryp, eki dúrkin chempıon atanatyn múmkindigi mol. Para sportta sańlaqtarymyzdyń ishinen ázirge paýerlıftıngten Davıd Degtıa­rev qana Paralımpıadanyń eki dúrkin chempıony degen dańqqa ıe. Germanııalyq egizder Karmen men Ramona 39 jastarynda paradzıýdodan paralımpıadanyń kúmi­sin oljalady. Demek, Aqmaral­dyń tipti 2032 jyly Aýstralııada óte­tin Paralımpıada dodasynda da oza shabýyna múmkindigi mol.