Búgin Úkimet otyrysynda ekologııa jáne tabıǵı resýrstar mınıstri Erlan Nysanbaev el aýmaǵynyń 71 paıyzynda qar jatqanyn habarlady, dep jazady Egemen.kz.
Degenmen bul kórsetkish ótken jyldyń osy kezeńimen salystyrǵanda 15 paıyzǵa az.
Elimizdiń ońtústigindegi Qyzylorda, Túrkistan jáne Jambyl oblystarynda, batysynda Batys Qazaqstan, Atyraý jáne Mańǵystaý oblystarynda qar erip jatyr.
«Naýryz aıynda temperatýra kóterilip, jaýyn-shashyn kóp bolsa erigen qar sýynan taý ózenderinde tasqyn júrýi múmkin. Ortalyq, soltústik jáne shyǵys aımaqtarda qar qalyń, naýryz aıynda jaýyn-shashyn mólsheri aılyq normadan eki jáne odan da kóp túsedi dep kútilip otyr. Mysaly, Astanada birinshi onkúndiktiń ózinde aılyq jaýyn-shashyn mólsheri tústi», dedi Erlan Nysanbaev.