8 naýryz - Halyqaralyq áıelder kúni merekesinde 103 jedel járdem qyzmetine 22, 7 myń qońyraý túsken. Bul týraly Densaýlyq saqtaý mınıstrligi habarlady, dep jazady Egemen.kz.
Onyń ishinde 1147 shaqyrtý birinshi sanatqa, 6723 - ekinshi sanatqa, 6220 úshinshi sanatqa jáne tórtinshi sanat boıynsha emhanalar janyndaǵy brıgadalar 8624 shaqyrtýǵa qyzmet kórsetken.
Eń kóp shaqyrtýlar Túrkistan oblysy, Shymkent, Almaty, Astana qalalarynda, odan keıin Jambyl jáne Almaty oblystarynda tirkelgen.
Bul kúni aýyr dıagnozy bar pasıentterge 15 telemedısınalyq konsýltasııa berilip, sanıtarııalyq avıasııa bir ret pasıentke qyzmet kórsetken. Jedel koronarlyq sındromy bar er adam sanavıasııa bortymen Qurmanǵazy kentinen Atyraý oblystyq aýrýhanasyna jetkizilgen.
Qazirgi ýaqytta el boıynsha jedel medısınalyq járdem qyzmetin 20 derbes stansııa, 98 qalalyq kishi stansııa jáne 232 aýdandyq bólimshe usynady. Oblystyq jáne qalalyq jedel járdem stansııalarynda bir aýysymda 1 491 kóshpeli brıgada, MSAK (emhana) uıymdarynyń janyndaǵy shuǵyl 4-sanattaǵy shaqyrtýlarǵa qyzmet kórsetý úshin 446 brıgada jumys isteıdi.