Aqmola oblysynda er adam 6 mıllıon teńge nesıe rásimdep, ony alaıaqtarǵa aýdarǵan. Ol ınvestısııalyq platformaǵa aqsha salsa, úlken paıda tabamyn dep sengen, dep habarlaıdy Egemen.kz.
«Zerendi aýdanynyń 55 jastaǵy turǵyny ońaı jolmen tabys tapqysy kelip, alaıaqtardyń arbaýyna túsken. Beıtanys adamdar ony joǵary tabys ákeletin ınvestısııalyq jobaǵa sendirip, alǵashqy jarnany tóleý jáne paıda tabý úshin nesıe alýǵa kóndirgen. Nátıjesinde ol 6 mıllıon teńge nesıe rásimdep, barlyq qarajatyn alaıaqtarǵa bergen», — delingen materıalda.
Qazirgi ýaqytta atalǵan fakt boıynsha qylmystyq is qozǵalyp, tergeý amaldary júrgizilip jatyr
Sol kúni Kókshetaý qalasynda da alaıaqtyq deregi tirkeldi. 66 jastaǵy áıelge ózin uıaly baılanys operatorynyń qyzmetkerimin dep tanystyrǵan adam habarlasyp, onyń senimine kirip, 700 myń teńgeden astam aqshasyn ıemdenip ketken.
Polıseıler azamattarǵa beıtanys adamdarǵa bank kartalarynyń málimetterin bermeýge, SMS arqyly kelgen kodtardy eshkimge jarııa etpeýge jáne kúmándi siltemelerge ótpeýge shaqyrady.