Qıssalar Naýryz tarıhyn Nuh paıǵambardyń kemesi Qazyǵurt taýyna aman-esen jetip, tirshilik sol mekennen qaıta taraýdy toılaýdan bastalǵanyn meńzeıdi. Keme kóktemniń alǵashqy aıynda qurlyqqa jetkendikten naýryz merekesi mezgildiń alǵashqy aıynda atalyp ótiledi, dep jazady Egemen.kz.
Elimizde Naýryz merekesiniń bastapqy mánin qaıtaryp, onyń qyr-syryn tolyq ashý maqsatynda Naýryznama onkúndiginiń tujyrymdamasy bekitilgen edi. Qazaqstannyń qazirgi tarıhynda Naýryz tolyqqandy transformasııalarǵa qarqyn bergen jańa saıası dáýirdiń bastalýyn bildiredi. Tabıǵat jańarýyndaǵy jańa sıkldiń bastalýyn Qazaqstan damýyndaǵy jańa kezeńniń bastalýymen salystyrýǵa bolady.
17 naýryz tujyrymdama tizbesine saı - Mádenıet jáne ulttyq salt-dástúr kúni.
Mádenıet jáne ulttyq salt-dástúr kúni halqymyzdyń mádenı baı murasy ulyqtalyp, ony bolashaq urpaqqa jetkizýdiń mán-mańyzy aıqyndalady. Tirshiligimizdiń ár taby salt-dástúrmen sabaqtasatyn halqymyz úshin onyń ornyqty qoldanylyp, ómirimizdi órnekteı túsýi qaı ǵasyrda da ózekti.
Sol sebepti 17 naýryzdyń taqyryptyq mazmuny mádenıetti, ónerdi jáne ulttyq qundylyqtardy nasıhattaýǵa arnalǵan.
Bul kúni elimizdiń ár aımaǵynda mádenıet jáne ulttyq salt-dástúr máni mereke ózegine aınalady.