Grekııanyń Kosta-Navarıno qalasynda ótken Halyqaralyq Olımpıadalyq komıtetiniń (HOK) 144-shi sessııasynda 2028 jyly Los-Andjeleste ótetin Olımpıada oıyndarynyń baǵdarlamasyna boksty qosý týraly sheshim qabyldandy. Bul týraly Qazaqstan boks federasııasy habarlady, dep jazady Egemen.kz.
Boks 2022 jyldyń aqpanynda 2028 jylǵy Olımpıada oıyndarynyń jarys baǵdarlamasynan shyǵarylǵan edi.Bul sheshim Halyqaralyq boks qaýymdastyǵy (IBA) tóńireginde týyndaǵan máselelerge baılanysty qabyldanǵan. 2023 jyldyń maýsymynda HOK IBA-nyń resmı moıyndaýyn tolyqtaı qaıtaryp alǵannan keıin, bokstyń Olımpıadadaǵy bolashaǵy belgisiz bolyp turǵan.2024 jylǵy Parıj Olımpıadasynda boks jarystary HOK-niń arnaıy jumys tobynyń qadaǵalaýymen ótti, bul sporttyń Olımpıadalyq qozǵalys úshin mańyzyn taǵy bir márte dáleldedi.Olımpıadalyq bokstyń jańa damý kezeńinde basqarý 2023 jyly qurylǵan World Boxing Halyqaralyq boks federasııasyna júkteldi. Qazirgi tańda bul uıymǵa 84 ulttyq federasııa múshe. Jýyrda World Boxing HOK-ten ýaqytsha moıyndaý alyp, álemdik deńgeıde boksty damytý quqyǵyna ıe boldy.