Albına men Karnelııa Devıvye Qaraǵandy oblysynda mal sharýashylyǵymen aınalysyp, qazaqtyń salt-dástúrin ustanatyn tatar-nemis otbasynda dúnıege kelgen. Olar qazaqy salt-dástúrdi, mádenıetti boıyna sińirip óskendikten tek qazaq tilinde sóıleıdi. Apaly-sińlili qyzdar Azattyq Rýhy-nyń YouTube-arnasyna bergen suhbatynda tynys-tirshiligi men qazaq tiline degen mahabbaty jaıly aıtyp berdi, dep jazady Egemen.kz.
Apaly-sińlililerdiń aıtýynsha, olar basqa adamdarmen sóılesken kezde jıi yńǵaısyz jaǵdaılarǵa tap bolyp qalady.
«Taksı shaqyrǵan kezde negizinen orys júrgizýshiler keledi. Jolaqysyn tóleıtin kezde olar nómirlerin aıtyp bastaıdy, biz ne aıtyp jatqanyn túsinbeımiz. О́zimizdi yńǵaısyz sezinip, telefonymyzdy beremiz, sosyn olar nómirin terip beredi. Sol kezde júrgizýshiler: «Sen oryssyń ǵoı, nege túsinbeısiń?» deıdi. Men oryssha túsinbeıtinimdi túsindirýge tyrysamyn, kóbinese taksı júrgizýshileri kúlip qoıady, biraq biz mundaı sátterde ózimizdi yńǵaısyz sezinemiz», deıdi qyzdar.
Albına men Karnelııa Devıvye qazirgi tańda orys tilin úırenip júrgenderin aıtty.
«Qazir aqyryndap orys tilin úırenip júrmiz. О́te uzaq aıtylatyn sózderdi túsinbeı qalamyz. «Sender qalaı oryssha bilmeısińder?» dep kóp adamdar tań qalyp jatady», deıdi apaly-sińlililer.
Qyzdar bolashaqta qandaı mamandyq ıesi bolǵylary keletinin de aıtyp ótti. Albına qalam terbegen jýrnalıst bolǵysy kelse, Karnelııa áleýmettik qyzmetker mamandyǵy boıynsha bilim alyp júr.
Aıta keteıik, Albına men Karnelııa Devıvye Qaraǵandy oblysyndaǵy Qarakól aýylynan shyqqan. Olardyń otbasy tek qazaq tilinde sóıleıdi.