Pavlodar oblysy prokýratýrasynyń úılestirýimen Reseı Federasııasynyń Krasnoıarsk ólkesindegi Sharypovo qalasynda kásipkerdi óltirgeni úshin kúdikti retinde Qazaqstan azamaty ustaldy, dep habarlaıdy Egemen.kz.
Bas prokýratýranyń málimetinshe, bıylǵy jyldyń aqpan aıynda Pavlodar qalasyndaǵy úılerdiń biriniń aýlasynan kásipkerdiń máıiti tabylǵan. Polısııa qyzmetkerleri júrgizgen jedel-izdestirý sharalary barysynda kisi óltirý faktisi anyqtalyp, QR Qylmystyq kodeksiniń 99-baby boıynsha tergeý bastalǵan.
Qazirgi ýaqytta prokýratýra kúdiktini Qazaqstanǵa ekstradısııalaý boıynsha sharalar qabyldap jatqany habarlandy.
Aıta keteıik, bul qylmys úshin 15 jylǵa deıin bas bostandyǵynan aıyrý jazasy qarastyrylǵan.