Almaty oblysy Eńbekshiqazaq aýdany Esik qalasyndaǵy meshittiń mańynda jigittiń máıiti tabyldy, dep habarlaıdy Egemen.kz.
Áleýmettik jelilerde 29 naýryzǵa qaraǵan túni Esik qalasynda meshitke jaqyn jerde jigittiń qaza tapqany týraly aqparat tarady. Polısııa bul aqparatty rastady.
Almaty oblystyq polısııa departamenti baspasóz qyzmetiniń habarlaýynsha, qazirdiń ózinde qylmysqa kúdikti tulǵa anyqtaldy.
- Ony ustaýǵa baǵyttalǵan birqatar jedel-izdestirý sharalary júrgizilip jatyr. Oqıǵanyń mán-jaıy anyqtalyp, oqıǵanyń barlyq qatysýshylary men kýágerleri jaýap alyp otyr. Polıseıler kisi óltirý deregi boıynsha sotqa deıingi tergeýdi bastady, – dep habarlady departament.
Polıseıler tergeý barysy oblystyq polısııa departamenti basshylyǵynyń erekshe baqylaýynda ekenin atap ótti.