AQSh Qorǵanys mınıstrligi (Pentagon) áskerı vedomstvodaǵy azamattyq qyzmetkerler sanyn qysqartý týraly memorandýmǵa qol qoıdy, dep habarlaıdy Egemen.kz Deutsche Welle basylymyna silteme jasap.
Qujatqa AQSh Qorǵanys mınıstri Pıt Hegset qol qoıǵan. Bul sheshim AQSh prezıdenti Donald Tramp ákimshiliginiń memlekettik qurylymdardaǵy qyzmetkerler sanyn azaıtý saıasaty aıasynda qabyldanǵan.
Buǵan deıin soǵys ardageri jáne Fox News telearnasynyń burynǵy júrgizýshisi Pıt Hegsettyń qorǵanys mınıstri bolyp taǵaıyndalýy AQSh qoǵamynda úlken talqyǵa túsken edi. Endi onyń basqarýymen Pentagonda aýqymdy ózgerister bastalyp jatyr.
76 myń qyzmetkerdi qysqartý AQSh qorǵanys júıesine qalaı áser etetini ázirge belgisiz. Sarapshylar bul sheshim áskerı vedomstvodaǵy jumys prosesin aıtarlyqtaı ózgertýi múmkin dep boljaıdy.