1 sáýir kúni Taılandtyń Phýket aralynda jantúrshigerlik jol apaty bolyp, Qazaqstan azamaty qaıtys boldy, dep habarlaıdy Egemen.kz.
Jergilikti BAQ-tyń málimetinshe, qaıǵyly oqıǵa túngi saǵat 00:45-te Bypass Rd tasjolynda bolǵan. Er adam joǵary jyldamdyqpen kele jatyp, mopedin basqara almaı, jol apatyna ushyraǵan. Ol alǵan jaraqattarynan oqıǵa ornynda kóz jumǵan.
Bastapqyda jergilikti bılik onyń uıaly telefonynda orys tilindegi jazýdy baıqap, ony «Reseıden kelgen týrıst» dep habarlaǵan. Alaıda keıinirek marqumnyń Qazaqstan azamaty ekeni jáne Phýkette jumys isteıtini belgili bolǵan.
Qazir Taıland bıligi oqıǵanyń barlyq mán-jaıyn tekserip jatyr.