2 sáýirge qaraǵan túni E.A. Bóketov atyndaǵy Qaraǵandy ýnıversıtetiniń toǵyz qabatty jataqhanasynda órt shyǵyp, 10 stýdent zardap shekti, dep habarlaıdy Egemen.kz.
О́ńirdiń TJD baspasóz qyzmeti málimetinshe, ǵımarattyń birinshi qabatynda qoqys jáshiginde 1,5 sharshy metr aýmaqta qoqys janǵan.
«TJD kúshteri jataqhanadan tórt adamdy qutqardy. Qutqarýshylardyń úılesimdi áreketiniń arqasynda órt 19 mınýt ishinde sóndirildi. Aldyn ala boljam boıynsha órttiń sebebi – ashyq ot kózi», dep habarlady TJD.
О́rttiń aýmaǵy úlken bolmaǵanyna jáne qutqarýshylardyń jedel jumysyna qaramastan, zardap shekkender bar. On stýdent H. Maqajanov atyndaǵy aýrýhanaǵa jáne oblystyq balalar klınıkalyq aýrýhanasyna keńeıtilgen tekserý úshin jetkizilgen.
«Olardyń aýrýhanaǵa túsken kezdegi jaǵdaıy turaqty dep baǵalandy jáne qazirgi ýaqytta nasharlaý joq. Qosymsha tekserý júrgizilip jatyr, sodan keıin ambýlatorııalyq emdeý taǵaıyndalady», dep habarlady Qaraǵandy oblystyq densaýlyq saqtaý basqarmasynyń baspasóz qyzmeti.