Premer-mınıstr Oljas Bektenov otandyq fermerlermen kezdesý ótkizdi, onyń barysynda memlekettik qoldaý sharalary, onyń ishinde kóktemgi dala jumystaryn qarjylandyrý talqylandy, dep habarlaıdy Egemen.kz.
Aýyl sharýashylyǵy mınıstri Aıdarbek Saparov ótken jylmen salystyrǵanda kóktemgi egis jumystaryn jeńildikpen nesıeleý kólemi rekordtyq 700 mlrd teńgege deıin artqanyn aıtty. 2024 jyly memleket 580 mlrd teńge bóldi.Sonymen qatar mınıstrdiń aıtýynsha, Úkimettiń bastamasymen 2025 jylǵy jeńildikpen nesıeleýge ótinimderdi qabyldaý ótken jyldyń qarasha aıynan bastap iske qosylǵan. Buǵan deıin «Keń dala» baǵdarlamasy boıynsha qarajat mamyr aıynda, egis qyzý júrip jatqan kezde beriletin.