Kvadrokopterlermen (drondarmen) jumys isteýge baýlý – mektepterdiń qazirgi zamanǵy oqý úderisine belsendi engizilip jatqan robototehnıka sheńberindegi baǵyttardyń biri, dep habarlaıdy Egemen.kz.
Búginde elimizdegi 1100 mektepte STEM-zerthanalar bazasynda ashylǵan drondardy basqarý úıirmelerinde oqýshylar drondardy qurastyrý-baǵdarlamalaý daǵdylaryn meńgerip, tehnıkalyq oılaý qabiletin, ınjenerlik mashyqtaryn, praktıkalyq daǵdylaryn damytady. Úıirme oqýshylary robototehnıka boıynsha jarystarǵa belsene qatysyp júr. Jýyrda ulttyq Aspan Drone Competition týrnıriniń jeńimpazdary Qazaqstan namysyn halyqaralyq deńgeıde qorǵaıtyn bolady.
Oqý-aǵartý mınıstrliginiń baspasóz qyzmetiniń málimdeýinshe, sonymen qatar elimiz boıynsha jumys istep turǵan 24 jas tehnıkter stansııasy men tehnıkalyq shyǵarmashylyq ortalyqtarynda balalardyń ınjenerlik jáne ónertapqyshtyq qabiletterin damytýǵa baǵyttalǵan júıeli jumystar júrgizilip jatyr.
Al bıyl tehnıkalyq jáne kásiptik bilim berý uıymdarynda suranysqa ıe jańa mamandyq – dron operatory boıynsha mamandardy daıarlaý isi bastalady.