Májilis depýtattary Salyq kodeksine ózgerister engizýdi usyndy. Sonyń biri – nekeni buzý qyzmetine salynatyn memlekettik baj salyǵyn arttyrý, dep habarlaıdy Egemen.kz.
Jańa Salyq kodeksiniń jobasynda nekeni buzý kezinde tólenetin memlekettik baj salyǵyn qazirgi 0,5 AEK-ten (2025 jyly – 1 966 teńge) 5 AEK-ke (19 660 teńge) deıin kóbeıtý usynylǵan.
Májilis depýtaty Berik Beısenǵalıevtiń aıtýynsha, bul ózgeris azamattardy ajyrasý týraly sheshimdi emosııaǵa berilmeı, salmaqty túrde qabyldaýǵa ıtermeleıdi.
- Joǵary baj salyqtaryn engizý – sáttik sezimdermen ajyrasýǵa sheshim qabyldaıtyn azamattar úshin tejeý faktory bolady. Bul ásirese jastar arasynda orynsyz ajyrasýlardyń azaıýyna yqpal etýi múmkin, – dedi Beısenǵalıev.
Depýtattyń sózinshe, bastama memlekettik bıýdjetti toltyrýdy emes, otbasylyq qundylyqtarǵa degen jaýapkershilikti arttyrýdy kózdeıdi.