QR Ákimshilik quqyqbuzýshylyq týraly kodeksiniń 127-babyna sáıkes, ata-ana nemese qamqorshy balanyń tárbıesine jaýapty, dep habarlaıdy Egemen.kz.
Eger bala sabaqtan jıi qalsa, tártip buzsa nemese quqyq buzýshylyqqa qatyssa, ata-anaǵa 20 AEK-ke deıin aıyppul (2025 jyly — 78 640 teńge) nemese 10 táýlikke deıin ákimshilik qamaý jazasy qarastyrylǵan.
Jaýapkershilikke tartý myna jaǵdaılarda bolady:
sabaqtan júıeli túrde qalý; ata-ananyń eskertýge mán bermeýi; balanyń minez-qulqyn baqylamaý; balanyń ishimdik, esirtki qoldanýy; qaıyrshylyqpen, buzaqylyqpen aınalysýy.Mundaı jaǵdaıdyń aldyn alý úshin ata-analar psıholog, áleýmettik pedagog nemese ıývenaldy polısııamen birlesip jumys isteýi qajet.
Psıholog Anna Vovktyń aıtýynsha, bala sabaqtan kóbine ustazǵa, synyptaǵy ortaǵa kóńili tolmaǵandyqtan nemese otbasyndaǵy jaǵdaıdan qashyp júredi. Máseleni sheshýdiń basty joly – balany jazǵyrý emes, sebebin túsinip, qoldaý kórsetý.