Premer-Lıgada birinshi orynda turatyn jáne álemdik fýtbol tarıhyndaǵy eń tıtýldy klýbtardyń biri – aǵylshyndyq «Lıverpýl» fýtbol klýby Almatydaǵy hımııa-bıologııa baǵytyndaǵy Nazarbaev Zııatkerlik mektebine arnaıy sertıfıkat joldady.
Bul shabyttandyratyn oqıǵanyń bastamashylary – Almatydaǵy hımııa-bıologııa baǵytyndaǵy NIS oqýshylary Aısultan Amanǵos pen Narbol Qasymhan. Olar oqý jyly boıy ataqty fýtbol quramasymen hat almasyp, mekteptiń sporttyq jetistikteri men NIS-tiń bastamalary týraly bólisip otyrdy.
Jaýap retinde «Lıverpýl» FK jas fýtbolshylarǵa alǵystaryn jetkizip, komandanyń negizgi oıynshylary qol qoıǵan resmı sertıfıkat joldady.
«Kóptegen oqýshylarymyz kásibı fýtbolshy bolýdy armandaıdy. Al bul sertıfıkat ózimizge degen senimimizdi odan saıyn arttyrady. Olardyń jigerlendiretin sózderi bizdi alǵa jyljýǵa, jattyǵýǵa jáne jańa belesterdi baǵyndyrýǵa shabyttandyrady. Bul kóp eńbektengen adam kez kelgen armanǵa qol jetkize alatynyn eske salady», deıdi Aısultan Amanǵos.
Endi ańyzǵa aınalǵan Cafu qoltańbasymen birge NIS qorjynynda halyqaralyq ataǵy bar sımvoldardyń biri – Lıverpýl sertıfıkaty bar.
Aıta keteıik, Anglııanyń 19 dúrkin chempıony, Chempıondar lıgasynyń 6 dúrkin jeńimpazy jáne basqa da kóptegen halyqaralyq jáne ulttyq ataǵy bar «Lıverpýl» fýtbol klýby óziniń nazary men qoldaýymen búkil álem boıynsha jas sportshylardy shabyttandyryp keledi.