15 sáýir – Ǵashyqtar kúni Aqtóbede 22 jup shańyraq kóterdi dep habarlaıdy Egemen.kz.
«Azamattarǵa arnalǵan úkimet» memlekettik korporasııasynyń AHAT bólimderiniń deregine qaraǵanda, osy jyldyń birinshi toqsanynda Aqtóbe oblysynda 1045 neke tirkelse, onyń basym bóligi oblys ortalyǵy jáne Muǵaljar, Hromtaý, Shalqar aýdandarynyń turǵyndary.
Azamattar neke qııýǵa ótinishti AHAT bólimderi, elektrondyq úkimet portaly nemese ekinshi deńgeıli bankterdiń qosymshalary arqyly bere alady. Joldanǵan ótinishti memlekettik organdar bir jumys aptasy ishinde qaraıdy. Neke qııý rásimi 15 kúnnen keıin tańdalǵan AHAT bóliminde ótkiziledi. Eger neke qııý saltanaty demalys nemese mereke kúnderine tuspa-tus kelgen jaǵdaıda, rásim kelesi jumys kúnine aýystyrylady.