Kezdesý barysynda Yandex Qazaqstan kompanııasy qyzmetiniń negizgi baǵyttary men josparlary qarastyryldy. Atap aıtqanda, kompanııanyń ınternet-platforma arqyly halyqty jumyspen qamtý jáne jasandy ıntellekt tehnologııasyn damytý bastamalaryna aıryqsha nazar aýdaryldy, dep habarlaıdy Egemen.kz Aqordanyń baspasóz qyzmetine silteme jasap.
Qasym-Jomart Toqaev Yandex Qazaqstan kompanııasynyń sıfrlyq transformasııaǵa, shaǵyn jáne orta bıznesti qoldaýǵa, azamattardyń ómir súrý sapasyn jaqsartýǵa qosqan úlesine joǵary baǵa berdi.
Budan bólek, mádenı murany ozyq tehnologııalarmen ıntegrasııalaý máselesi talqylandy. Prezıdent jasandy ıntellekt qarqyndy damyp jatqan kezeńde mádenı biregeılikti saqtaýdyń, sonymen qatar qazaq tili men mádenıetin sıfrlyq keńistikte ilgeriletýdiń máni zor ekenin atap ótti.
О́z kezeginde Danııl Shýleıko platforma arqyly jumyspen qamtý jobasy nátıjesinde 65 myńnan astam avtokólik júrgizýshisi «Iаndeks. Taksı» seriktesi retinde áleýmettik qorǵaýǵa ıe bolǵanyn jetkizdi. 2024 jyly kompanııa elimizge 29,5 mıllıard teńge kóleminde salyq tólegen, al 2016 jyldan beri Qazaqstan ekonomıkasyna 225 mıllıard teńgeden astam ınvestısııa quıǵan. Sonymen qatar «Iаndeks Global» basshysy Astanada jańa ınnovasııalyq jobalardy iske qosý jospary jóninde baıandap, AI-Sana baǵdarlamasyna atsalysýǵa daıyn ekenin rastady.