Jambyl oblysynyń Qordaı aýdanynda mektepke deıingi bilim berý mekemesinde iri kólemde bıýdjet qarjysyn jymqyrý deregi anyqtaldy, dep habarlaıdy Egemen.kz.
Aýdandyq prokýratýranyń málimetinshe, balabaqsha basshylyǵy jan basyna shaqqandaǵy qarjylandyrý aıasynda eki jyl boıy memleketten zańsyz túrde qarjy alyp kelgen. Olar shyn máninde balabaqshaǵa kelmegen balalar týraly jalǵan málimetter engizý arqyly 45,2 mıllıon teńge bıýdjet qarajatyn ıemdengen.
Atalǵan quqyqbuzýshylyq 2025 jylǵy 11 naýryzda aýdan prokýratýrasynyń Sotqa deıingi tergep-tekserýdiń biryńǵaı tizilimine QR Qylmystyq kodeksiniń 189-baby 4-bóliginiń 2) tarmaǵymen tirkelgen. Bul bapqa sáıkes, senip tapsyrylǵan bóten múlikti asa iri mólsherde ıemdený nemese jumsaý áreketi qarastyrylady.
Qazirgi ýaqytta qylmystyq is Jambyl oblysy boıynsha Sybaılas jemqorlyqqa qarsy is-qımyl agenttiginiń Departamentine tergeýge berilgen.