Hıýstonda (AQSh) ótetin FIRST Championship atty oqýshylarǵa arnalǵan eń bedeldi ınjenerlik jarysqa Qazaqstan komandalary attandy, dep jazady Egemen.kz.
110 elden kelgen 50 myńnan astam jas ınjener men ónertapqyshtardy biriktirgen bıylǵy chempıonat maýsymynyń taqyryby – sýasty álemin zertteý jáne qorǵaý. Bıyl Qazaqstan atalǵan baıqaýǵa buryn-sońdy bolmaǵan aýqymda – birden 7 komandamen qatysyp otyr.
Oqý-aǵartý mınıstrliginiń baspasóz qyzmetiniń málimdeýinshe Qazaqstan quramasy Ortalyq Azııa chempıonaty – Almaty Tech Cup nátıjesinde irikteldi. El atynan qatysyp jatqan komandalar: Atlantis – «Satýrn» mektebi, Pavlodar qalasy; PID – Nazarbaev zııatkerlik mektebi, Almaty qalasy; Cristabol – Nazarbaev zııatkerlik mektebi, Almaty qalasy; Skillset – «Skillset» mektebi, Astana qalasy; JelToqSun jáne Rasslexx – «Murager» mektebi, Qaraǵandy qalasy.